Кох бацилласымен қалай күресуге болады?

Туберкулез-1882 жылдың наурызында аурудың қоздырғышын ашқан неміс бактериологы Роберт Кохтың атымен аталған туберкулез микобактериясы тудыратын жұқпалы ауру.

Инфекцияның негізгі көзі туберкулезбен ауыратын адамның жөтелуі кезінде бөлінетін қақырық болып табылады. Туберкулездің микобактериялары сыртқы  ортада өте төзімді, көше шаңында, ылғалды және қараңғы жерлерде ұзақ уақыт сақталады. Тіпті  құрғақ күйінде де әр түрлі заттармен, киім-кешектермен, кітаптармен бірнеше ай бойы өзінің өміршеңдігін сақтайды. Адам сондай-ақ  туберкулезбен  ауыратын жануарларға күтiм жасау және тиiстi дәрежеде өңделмеген сүт өнiмдерiн пайдалану кезiнде оларды жұқтыруы мүмкiн.

Жұқтырған-ауырған дегенді білдірмейді

Планетаның ересек тұрғындарының 90%-ға жуығы туберкулезге шалдыққан.

Неге сирек адамдар туберкулезбен ауырады? Бұл дені сау адам ағзасының туберкулезге табиғи төзімділігі (иммунитеті) болуымен түсіндіріледі. Барлық балаларға туғаннан кейін туберкулезге қарсы екпе жасалады. Балалар алғаш рет туберкулезбен жұқтырғанда, Манту сынамасымен анықталады, көрсеткіштер бойынша диаскин тесті және профилактикалық емдеу тағайындалады.

Бүкіләлемдік денсаулық сақтау ұйымының мәліметі бойынша, жұқтырғандардың 10%-дан астамы өмір бойы туберкулезбен ауырады.

Инфекция ауруға қашан әкеледі?

Адам организмнің қорғаныш күші әлсіреген, алкогольдің зиянды әсері, темекі шегу, тамақтанудың жеткіліксіздігі, шамадан тыс шаршау және қант диабеті, өкпенің созылмалы аурулары, гормондық өзгерістер, жүктіліктің жай-күйі және босанғаннан кейінгі кезең сияқты бірқатар ілеспе аурулар нәтижесінде оның қарсылығы әлсіреген жағдайларда туберкулезбен ауырады. Адам неғұрлым нашар өмір сүрсе, соғұрлым оның туберкулезге шалдығу қаупі артады. Сондықтан денсаулық жағдайы негізінен өзімізге байланысты.

Туберкулез қалай байқалады?

Туберкулез микобактериясы адамның барлық мүшелерін зақымдауы мүмкін, бірақ көбінесе (90-95%) өкпе туберкулезі кездеседі.

Бастапқы кезеңде ауру симптомсыз немесе суық тию маскасымен өтеді және негізінен профилактикалық флюорографиялық тексеруден өту кезінде анықталады.

Ауру өршіген кезде әлсіздік, тәбеттің болмауы, тершеңдік, науқастарға жақсы төзетін кешкі уақытта температураның тұрақты көтерілуі, ұзақ уақыт жөтелу, ал одан әрі демігу, қан түкіру, кенеттен арықтау күшейеді. Туберкулезбен ауыратын науқас неғұрлым кеш анықталса, ол айналасындағыларға соғұрлым жұқпалы және оны емдеу болжамы нашар болады.

Сондықтан аурудың алғашқы белгілері кезінде дәрігерге дер кезінде барып, жыл сайын флюорографиялық тексеруден өту қажет. Уақытылы флюорографиялық тексеруден өткен адамдарда туберкулездің асқынған түрлері жоқ.

Туберкулезді емдеуге бола ма?

Қазіргі уақытта науқастар стандартты емдеу схемасы бойынша емделеді, ал туберкулездің микобактериясы стандартты схеманың препараттарына төзімді болған жағдайда резерв препараттарымен емделеді. Резерв препараттарымен емдеу неғұрлым ұзақ және қымбат. Барлық науқастар туберкулезге қарсы препараттармен тегін емделеді. Емдеу үшін ең басты шарт - дер кезінде медициналық көмекке жүгіну, үзіліссіз емдеудің толық курсын қабылдау және толыққанды тамақтану.

Егер сізде және сіздің жақындарыңызда ұзақ уақыт жөтел болса, әлсіздік болса - флюорографиялық тексеруден өтіңіз!

Денсаулығыңызды сақтаңыз!